Зуун наст, сармисны хандыг ашиглан залуужих жор
Байгалийн, уламжлалт арга ямар ч шинжлэх ухааны аргаас илүүтэй нөлөөлөх нь бий. Танд дорнын үзэсгэлэнт бүсгүйчүүдийн эртнээс хэрэглэж ирсэн зуун наст, сармисны хандыг ашиглан залуужих эмчилгээний жорыг толилуулж байна.
1. Зуун наст + Архи
Энэ жорыг японы гейша нар толигор залуу царайгаа алдахгүйн тулд хэрэглэж иржээ.
Зуун настын залуу дэлбээнүүдийг шилж, хурц хутгаар маш нимгэн, жижигхэн хэрчээд 39-өөс доошгүй градустай 100 орчим грамм цагаан архинд хийнэ. Үүнийгээ сайн бөглөөд, сэрүүн харанхуй газарт нэг сар хадгал. Нэг сарын дараанаас өглөө, оройд нүүрээ цэвэрлэснийхээ дараа уг бэлдмэлийг хөвөнд шингээж арчаарай. Хэрэглэж эхэлснээс хойш 7 хоногийн дараа таны арьс өнгөлөгжиж, зөөлөрч буйг та анзаарах болно.Нүүрний гүн биш үрчлээтэй хэсгээ хоёр тийш нь ийн арчаад байвал удахгүй бүдгэрнэ.
2. Сармис + Спирт + Сүү
Харин энэ бол эртний төвдийн залуужуулах жоруудын нэг юм.
350 грамм сармисыг угааж цэвэрлээд модон сав юм уу тагшинд сайтар үрж, шүүс гартал нь нунтаглана. Нунтагласан сармисны доод, шүүсэрхэг хэсгээс нь 200 граммыг авч шилэн саванд хийнэ. Түүн дээр 96 хувийн спирт хийнэ. Уг холимогтой савыг сайтар бөглөж, харанхуй сэрүүн газарт 10 өдөр байлгана. Дараа нь нягт, цэвэр даавуугаар шингэнийг шүүж авна. Үүнээс 2-3 өдрийн дараанаас эмчилгээг хийж эхэлнэ. Хоол идэхээсээ 15-20 минутын өмнө стаканы ¼ хэмжээтэй сүүнд дараах байдлаар хийж ууна.
| Өдөр | Өглөө | Өдөр | Орой |
| 1 өдөр | 2 дусал | 2 дусал | 3 дусал |
| 2 өдөр | 4 дусал | 5 дусал | 6 дусал |
| 3 өдөр | 7 дусал | 8 дусал | 9 дусал |
| 4 өдөр | 10 дусал | 11 дусал | 12 дусал |
| 5 өдөр | 13 дусал | 14 дусал | 15 дусал |
| 6 өдөр | 15 дусал | 14 дусал | 13 дусал |
| 7 өдөр | 12 дусал | 11 дусал | 10 дусал |
| 8 өдөр | 9 дусал | 8 дусал | 7 дусал |
| 9 өдөр | 6 дусал | 5 дусал | 4 дусал |
| 10 өдөр | 3 дусал | 2 дусал | 1 дусал |
| 11 өдөр | 25 дусал | 25 дусал | 25 дусал |
-------------------------------------------------------------------------------
Аз жаргалын зуршлууд
Чөлөөт цаг | 2011 / 04 / 12
“Аз жаргалтай мэдрэмжийг нэмэгдүүлэх 10 батлагдсан арга”Ихэнх хүмүүс аз жаргалгүй байдлыг өөрсдөө сонгодгоо мэддэггүй. Мөн өөр хэн ч биш, өөрөө л сэтгэл дотроо аз жаргалыг сонгочихвол инээмсэглэлээр бялхана гэдгээ мэддэггүй нь бүр ч харамсалтай. Оюун санаагаа жаахан л өөр юманд хандуулвал амьдрал тэр чигтээ өөрчлөгдөх болно.
1. АЗ ЖАРГАЛТАЙ БАЙГАА МЭТ ААШИЛ
Гунигтай үед ч тэр чин сэтгэлээсээ инээмсэглэх нь илүү олон инээмсэглэсэн, жаргалаар бялхсан хүмүүсийг урин дуудах болно. Бухимдалтай байдал илүү олон бухимдалтай хүмүүсийг л даллана гэдгийг санаарай.
2. ХОРОМ МӨЧ БҮРЭЭС БАЯР БАЯСЛЫГ ЗУЛГАА
Аз жаргал бол заавал гайхалтай, ид шидийн юм шиг тохиолын үр дүнд бий болдог зүйл биш. Харин амьдралдаа тохиолдсон жижиг ч болтугай өөдрөг зүйлийг олж харснаар аз жаргалтай болдог.
3. ЦАГ ХУГАЦААГАА ХЯНА
Аз жаргалтай хүмүүс амьдралаа удирдаж чаддаг. Тэд өдөр бүр өөртөө бодит зорилгыг тавьж, түүндээ хүрэхийн төлөө тэмүүлснээр илүү ач холбогдолтой, үр бүтээлтэй мөчүүдийг өнгөрүүлдэг аж.
4. ТОГТМОЛ ДАСГАЛ ХИЙ
Тогтмол дасгал хийдэг хүмүүс хийдэггүй хүмүүсээсээ илүү өөдрөг, амьдралын эрч хүч идэвхтэй байдаг нь судалгаагаар тогтоогджээ. Зөвхөн жингээ хасах гэж биш, өөрөөсөө гэрэл цацруулахын тулд дасгал хийцгээе бүсгүйчүүд ээ.
5. САЙН УНТАЖ АМАР
Сайн амарч, өөрийнхөө энергийг цэнэглэж авахгүй бол тархи маань өдөр тутмын ажлын стрессийг дийлж чадахгүй.
6. ДУУ АЯЛ
Хөгжилтэй дуу аялах нь сэтгэл санааны байдлыг эрс дээшлүүлдэг хялбар бөгөөд өндөр нөлөөтэй арга юм. Тиймээс дууг зөвхөн сонсох биш дагаж дуулаарай. Мөн зөвхөн дагаж дуулалгүй толгой, биеэ хэмнэлд нь тааруулан хөдөлгөвөл та агшин зуурт ямар их аз жаргалтай болохоо хараад гайхна даа.
7. АМЬТАН ТЭЖЭЭ
Муур, эсвэл нохойныхоо зөөлөн үсийг илээд суух нь сэтгэлзүйг тайвшруулах үйлчилгээтэй.
8. БАГА Ч АТУГАЙ СҮСЭГЛЭ
Ямар нэг юмыг идэвхтэй шүтдэг, сүсэглэдэг хүмүүс ямар нэг юманд санаа зовних, сэтгэлээр унах нь хамаагүй бага байдаг нь нотлогджээ. Хэрэв та үнэхээр шашин шүтдэггүй бол ямар нэг юанд үнэн сэтгэлээсээ дуртай бол. Тэр нь яруу найраг, дуу хөгжим, гар урлал гээд юу ч байж болно. Гол нь та тэндээсээ эрч хүч авдаг байх хэрэгтэй.
9. ДОТНЫ ХҮНТЭЙГЭЭ ХАМТ БАЙ
Хамгийн ойр дотны хүнтэйгээ цагийг хамт өнгөрөөх нь хүний энергийн түвшинг дээшлүүлнэ. Бид хайртай хүнээсээ тайвшрал, өөртөө итгэх итгэлийг олж авдаг.
10. ХОТООС ЗАЙДУУ ГАР
Долоо хоногт нэг удаа ч болов хотын чимээ шуугиан, завгүй амьдралын хилийг давж, байгальд гар. Голын урсгал, салхины чимээ, өвсний сэрчигнээн гээд бүх чимээ таньд өвөрмөц аялгуу тоглож өгч, аз жаргалыг бэлэглэнэ.
Энэ 10 зуршил бидний өдөр тутмын амьдралдаа хэрэгжүүлж болохуйц хамгийн энгийн зүйлс. Гэсэн хэдий ч сэтгэл санааг дээшлүүлэх тал дээр хамгийн нөлөөтэй аргууд аж.
